पूर्वाञ्चल रंगशालालाई जुटको जमीन

गणेश निरौला/ इटहरी, २३ भदौ

कृषि तथा सहकारी मन्त्री मृगेन्द्रकुमार सिंहले इहटरीमा पूर्वाञ्चल क्षेत्रीय रंगशाला निर्माण गर्नका लागि जुट अनुसन्धान केन्द्रको स्वामित्वमा रहेको जग्गा उपलब्ध गराउने जानकारी दिएका छन।
मन्त्री सिंहले मंगलबार जुट अनुसन्धान केन्द्रको जग्गा निरीक्षणपछि प्रयोगबिहीन अबस्थामा रहेको १६ बिगाहा जग्गा रंगशाला निर्माणका लागि उपलब्ध गराउने बताएका हुन।
उनले यसै साता बस्ने मन्त्रिपरिषदको बैठकमा प्रस्ताव लगेर रंगशाला निर्माणका लागि निर्णय गराउने जानकारी दिए।
एक दशकदेखि क्षेत्रीय स्तरको रंगशाला निर्माणका लागि पहल थालेका इटहरीका बासिन्दाले बिकासमा देखाएको कार्यको प्रसंसा गर्दै मन्त्री सिंहले रंगशाला निर्माण गर्न दिएकोबाहेक जुट अनुसन्धान केन्द्रको स्वामित्वको जग्गा अतिक्रमण नगर्न पनि आग्रह गरे।
इटहरीमा रंगाशाला निर्माणका लागि कृषि तथा सहकारी सचिव बृजकिशोर प्रसाद साहले रंगशाला निर्माणका लागि चाडै जग्गा दिने निर्णय हुने आश्वासन दिए।
अर्थमन्त्री सुरेन्द्र पाण्डेले आर्थिक वर्ष २०६६/०६७ को बजेट भाषणमा सुनसरीमा क्षेत्रीय स्तरको रंगशाला निर्माण गर्ने घोषण गरेपछि इटहरीबासी थप सक्रिय रुपमा रंगशाला निर्माणका लागि जुटेका हुन्।

खेलकुद - थप सामग्री