मिस नेपालको भिडियो इन्टरनेटमा?

किन गइनन, पूर्व मिस नेपाल?

काठमाडौं, ९ असोज (दैनिकी)

पूर्व मिस तामाङ २००६ ले जेनिसा मोक्तानले यो वर्षको मिस नेपालको ताज पहिरिएपछि बजारमा नयाँ बहस सुरु भएको छ । जसले मिस नेपालका लागि तोकिएका आधार र मापदण्डमाथिनै प्रश्न उठाएको छ ।
मिस तामाङको ताज जितेपछि उनी मिडियामा छाइन र उनले केही म्युजिक भिडियो पनि खेलिन । त्यहीबीचमा उनको भनिएको एक अश्लिल भिडियो पनि सार्वजनिक भएको थियो । अहिले पनि त्यो भिडियो इन्टरनेटमा व्यापक छ ।
"हिजो यो निर्णयबाहिर आउने वित्तीकै म त छक्कै परेँ अनि मेरो मोबाइलमा हेर्दा त त्यही भिडियो छ"- एक चर्चित कला पत्रकारले भने- कुनै पनि सहभागीलाई मिस नेपाल बनाउनु पूर्वका मापदण्ड के हुन हिडेन ट्रेजरले भन्नु पर्छ ।

मिस नेपाल प्रतियोगिताहरुमा अघिल्लो वर्षकी विजेताले नयाँ विजेतालाई ताज लगाइदिने चलन हुन्छ तर यसपटको मिस नेपाल प्रतियोगितामा अघिल्लो पटककी विजेता सितष्मा चन्द सहभागी नभएपछि पहिलो मिस नेपाल रुवी राणाले नयाँ विजेता जेनिसा मोक्तानलाई ताज पहिर्र्याइ दिइन ।

विगतमा २५ देखि ३० जना सहभागी हुने मिस नेपाल प्रतियोगितामा यो वर्ष जम्मा १६ जना सहभागी भए, त्यसमध्ये पनि फेसन डिजाइनर रिंकु श्रेष्ठले अन्तिम समयमा आएर सहभागिता त्यागेपछि १५ जनामध्येबाट मोक्तानले मिस नेपाल २००९ को ताज पहिरिएकी हुन ।
गत वर्ष पनि मिस नेपालमा भाग लिएकी जेनिसानै यो वर्षकी मिस नेपाल भएकी छिन । तर माओवादी महिला संगठनहरूको विरोध/अवरोधका कारण गत वर्ष सो प्रतियोगिता नै हुन नसकेपछि उनी यसपटकको प्रतियोगितामा पुनः भिडेकी थिइन। उनले यसअघि मिस तामाङ २००६ को उपाधि जितेकी थिइन ।

जेनिसाले शिरमा मिस नेपालको ताज चम्काउनुका साथै ५० हजार नगद प्राप्त गरेकी छिन् भने डिसेम्बरमा सम्पन्न हुने मिस वर्ल्ड प्रतियोगितामा नेपालको प्रतिनिधित्व गर्नेछिन्।

फर्स्ट रनरअपको ताज पहिरिन सफल ऋचा थापामगरले २५ हजार नगद प्राप्त गरेकी छिन् भने उनले मिस अर्थमा नेपालको प्रतिनिधित्व गर्दै सहभागिता जनाउनेछिन्।

डाईबर दाई मन पर्यो मलाई बोलको लोकगीतमा आकर्ष नृत्य गरी मिस ट्यालेन्टको उपाधिसमेत हात पारेकी ऋचाले मिस पर्सनालिटीको उपाधि पनि आफ्नै पोल्टामा पारिन्। सेकेन्ड रनरअपको ताज आफ्नो शिरमा चम्काउँदै कुन्छाङ मोक्तान तामाङले १५ हजार नगद पुरस्कार थापेकी छिन्।
त्यसै गरी आयुषा कार्कीले मिस फोटोजेनिक र ब्युटी कम्प्लेक्सका उपाधि थापेकी छिन् भने ब्युटिफुल हेयरमा पद्मनि झाले बाजी मारेकी छिन्।

प्रतियोगीहरू स्वयमले छनोट गर्ने मिस फ्रेन्डसिपको उपाधिचाहिँ अस्मिता अग्रवालले हात पारिन् भने दर्शकमतका आधारमा आकृति श्रेष्ठ पब्लिक च्वाईस बन्न पुगेकी छिन्। पुनम थपलियाले ब्युटिफुल स्माईलको उपाधि जितेकी छिन्। शीर्ष तीन उपाधिबाहेक अन्य उपाधिविजेता प्रत्येकलाई ५/५ हजार नगद पुरस्कार प्रदान गरिएको थियो।

कलामा थप सामग्री