सागमा नेपाललाई सातौ दिन सम्म ९ काश्य

नेपालले स्वर्ण पदक जित्ने लक्ष्य रहेको कराते र तेक्वान्दोको स्पर्धाहरु शनिबार बाट मात्र सुरु

मनोरञ्जन शर्मा ढाका, २१ माघ

बंगलादेशमा जारी ११ औ दक्षिण एसियाली खेलकुद प्रतियोगीता सागको सातौ दिन सम्म आईपुग्दा नैपालले ९ काश्य पदक मात्र जित्न सकेको छ । नेपालले जुडोमा ४,ब्याडमिन्टन र कपर्दीमा २। २ र सुटिंगमा एक काश्प मात्र जितेको छ । उता नेपालले सातौ दिन बिहीबार पनि खराब प्रदर्शनलाई निरन्तरता दिएको छ । प्रतियोगीताको सातौं दिन नेपालले हृयाण्डबल, स्क्वास र गल्फमा समेत कुनै पदक जित्न सकेन ।
हृयाण्डबलको सेमिफाइनलमा नेपालले आज पाकिस्तानसंग पराजय ब्यहोर्दै स्वर्णको दौडबाट बाहीरीएको छ । बङ्गलादेशले अफगानिस्तानलाई पराजित गरेपछि सेमिफाइनल प्रवेश गरेको नेपाल पाकिस्तानसंग ४५-१५ स्कोरले हारेको हो । नेपालले अब कास्य पदकका लागि बङ्गलादेशसंग खेल्नेछ । सुटिङ्गतर्फ महिला टिम इभेन्टबाट पनि नेपाल बाहिरिएको छ ।
नेपालका तृष्णा थापा, सिमा तुलाधर र सविता बस्नेत १० मिटर एयर राइफलको अन्तिम आठमा पर्न नसक्दा व्यक्तिगत प्रतिस्पर्धाबाट समेत बाहिरिएको हो । टिम इभेन्ट तर्फनैपाल पाचौ स्थानमा परयो ।
यसैगरी नेपाली महिला फुटबल टोली पनि बिहीबार भारतसंग पराजित भएको छ । हारका बाबजुद् नेपालको फाइनल प्रवेशको संभावना कायमै छ । नेपालले अब स्वर्ण पदकको प्रतिस्पर्धामा आफुलाई उभ्याउन राउण्ड रोबिनको आफ्नो अन्तिम खेलमा पाकिस्तानलाई कम्तिमा बराबरीमा रोक्नुपर्नेछ । नेपालले पहिलो हाफमा ३ र दोस्रोमा २ गोल खाएको थियो । जितपछि भारत भने फाइनलमा पुगेको छ ।
स्क्वास अर्न्तर्गत भएको टिम इभेन्ट्सको स्पर्धामा नेपाल पाकिस्तानसंग ३/० ले पराजित भएको छ । पहिलो खेलमा श्रीलंकासंग पराजित भएको नेपालले भारतसंग शुक्रबार र बंगलादेशसंग शनिबार प्रतिस्पर्धा गर्नेछ । नेपालले गल्फमा समेत निरासाजनक प्रदर्शन गरेको छ । आज सम्पन्न टिम इभेन्ट्समा नेपालले पाचौं स्थान ओगट्यो । सो स्पर्धामा बंगलादेशले स्वर्ण पदक जितेको छ । यसैबिच गल्फमा ब्यक्तीगत तर्फदोस्रो दिन नेपालका सबै खेलाडीले खराव प्रदर्शन गरेका छन् । एम्यच्योरतर्फरुपक आचार्यले ३ ओभर पार ७५ अंक स्कोर गरेपछि ११ औं स्थानमा झरेका छन् । अन्य खेलाडीहरु तासी छिरिङ्ग, तासी घले र विष्णुप्रसाद शर्माले पनि पहिलो दिनको तुलनामा खस्किएको प्रदर्शन गरेका छन् ।
त्यस्तै नेपालले पदकको आशा गरेको उषुको प्रारीम्भक चरण सुरु भएको छ । पहिलो दिन बिहीबार खेलाडिको तौल लिईएको छ । नेपालका पुरुषोत्तम रिजाल वाई पाएर उषु सान्सौको स्पर्धामा सेमिफइनल प्रवेश गरेका छन् । नेपालले स्वर्ण पदक जित्ने लक्ष्य रहेको कराते र तेक्वान्दोको स्पर्धाहरु शनिबार बाट मात्र सुरु हुदैछ ।

खेलकुद - थप सामग्री