उसु र पौडीमा सुखद सुरुवात;सुटिंगमा पराजित

मनोरत्ञ्जन शर्मा ढा‌का २२ माघ

उसु र पौडीमा नेपालले सुखद सुरुवात गरेको छ । उसुतर्फ नेपाली खेलाडी एलिना चौधरी र झरना गुरुङ्ग सेमिफाइनल प्रवेश गरेका छन् । सान्सौको ४८ केजी तौल समुहमा पाकिस्तानी टोसना हनिफलाई पराजित गदै चौधरी र ६० केजीमा श्रीलंकन मोलिनी पाथिरानालाई पाखा लगाउंदै गुरुङ्ग अन्तिम ४ मा पुगेकी हुन् । सान्सौको ५२ केजीमा समि लामा पाकिस्तानी खेलाडीसंग,६० केजीमा प्रेम दर्लामी श्रीलंकन खेलाडी संग तथा ६५ केजीमा विरसिंह तामाङ्ग श्रीलंकनखेलाडीसंग पराजित भएका छन् । त्यस्तै गरी नेपालले आजै स्वीमिङ्गका विभिन्न ४ स्पर्धाको फाइनलमा स्थान सुरक्षित गरैको छ । अघि विहान भएको हिट चरणमा सफलता हात पार्दै नैपाली खेलाडीले फाइनलमा स्थान सुरक्षित गरेका हुन् । २ सय मिटर इण्डिभिजुअल मिड्लेमा शैलेश राणा, ५० मिटर बटरफ्लाईमा करिष्मा कार्की, ५० मिटर ब्रेष्ट स्ट्रोकमा नयना शाक्य र विविधा रिमाल तथा सय मिटर फ्रि स्टाइलमा प्रसिद्धजङ्ग शाह फाइनलमा पुगेका हुन् । उनीहरुले आज अपरान्ह ३ बजेपछि फाइनल खेल पनि खेल्नेछन् । ९ कास्य पदक प्राप्त गरेको नेपालले अहिलेसम्म स्वर्ण र रजत जित्न सकेको छैन ।

सुटिंगको १० मिटर एअर पेस्तोल तर्फ नेपाली पुरुष टिम पाचौ स्थानमा सिमीत भएको छ । पाँच राष्ट्रको सहभागीता रहेको सुटिंगमा नेपालले अन्तिम स्थान पाएको हो । नेपालका तर्फबाट सहभागी भएका खेलाडी मध्ये बज्रउद्धिन अन्सारीले कुल ६ सय अंक मध्ये ५ सय ४९ अंक प्राप्त गरे भने सुुधन खडकाले ५ सय ४१ र अनिल ठकुरीले ५ सय २० अंक प्राप्त गरे । नेपाली खेलाडीहरु अन्तिम आठौमा पर्न नसके पछी ब्यक्तीगत तर्फ को स्पर्धाबाट बाहीरीएका छन् ।

खेलकुद - थप सामग्री