आगलागीबाट रोल्पामा ६ घर नष्ट

सुरेश गिरी सुर्खेत २६ माघ ।

रोल्पाको सिउरी गाउँ विकास समितिस्थित बुढाडेरामा आगलागी हुदाँ ६ वटा घर जलेर खरानी भएको छ ।
स्थानीय हरीलाल बुढाको घरबाट सल्केको आगोले रत्न बुढा, पुष्टमन बुढा, अमरे बुढा, बर्खे बुढा, गोरे बुढाको घरसमेत जलेर खारानी भएको हो ।
आगो नियन्त्रणका लागि प्रहरी चौकी स्युरी, फुलबारी युवा क्लव र बजुधुरी युवा क्लवका युवाहरु र इलाका प्रहरी चौकी पोबाङबाट प्रहरीको टोली घटना स्थलमा पुगी आगो नियन्त्रण्मा लिएको छ ।
हिजो दिउँसो १२ वजेदेखि लागेको आगो गएराती ९ बजेसम्म पनि नियन्त्रणमा आउन नसकेकोले क्षतिको एकिन बिवरण आउन बाकिँ रहेको र आगलागीबाट कुनै पनि मानबिय क्षति नभएको जिल्ला प्रहरी कार्यालय रोल्पाले जनाएको छ ।

आगो लागेको स्थान सदरमुकाम लिवाङबाट धेरै टाढा भएको र गयराती देखी रोल्पामा निरन्तर पानी परिरहेकोले क्षतिको बिवरण आज १० बजेसम्म आउने प्रहरीले जनाएको छ ।

समाज - थप सामग्री