लुटपाट गर्दै सिरहाबाट एक सर्वसधारणको अपहरण

रोहित कुमार मण्डल लहान, २६ माघ।

सशस्त्र हतियारधारीहरुको एक समुहले सोमबार राती सिरहाको नवराजपुरबाट एक जना सर्वसधारणको अपहरण गरि लगेको छ।
राति करिव १ बजेतिर १०। १५ जनाको समुहमा आएका हतियारधारी समुहले सिरहाको नवराजपुर ९ कुसण्डी निवासी २५ वर्षिय सुर्य नारायण चौधरीलाई अपहरण गरि लगेको प्रहरीले बताएका छन्।
यता अपहरीतका परिवारजनले उहाको शकुसल रिहाइका लागि पहल गरिदिनुहुन सम्मपुर्ण मानवअधिकारकर्मी, संचारकर्मी तथा नागरिक समाजलाई आग्रह गरेका छन्।
अपहरणको जिम्मा तराईमा सशस्त्र संघर्षरत कुनै पनि मोर्चाले लिएका छैन भने अपहरणको कारण खुल्लन सकेको छैन।
सोहि समुहले चौधरीको घरबाट ४ लाख मुल्य बराबरको सरसमान समेत लुटेर लगेको अपहरितका आफन्त बलराम चौधरीले बताए। केहि दिन यता सिरहामा अपहरणको घटनामा पुन : वृद्धि भएको छ।

समाज - थप सामग्री