पास्कोको अभिव्यक्ति कुटनीतिक मर्यादा बिपरित

सुनको भन्सारमा भारी वृद्धि

काठमाडौं,१ चैत्र (दैनिकी)

आइतबार बिहान बसेको मन्त्रिपरिषद्को बैठकले संयुक्त राष्ट्रसंघका उपमहासचिव वी लिन पास्कोले दिएको अभिव्यक्ति कुटनीतिक मर्यादा बिपरित भएको जनाएको छ । कुटनीतिक मर्यादा र सीमा भित्र रहेर अभिव्यक्ति दिन सम्बन्धित पक्षको ध्यानाकर्षण समेत गराएको छ । 'सरकारले अनमिनसंग कुनै गोप्य दस्तावेज मागेको होइन, माओवादी लडाकुको भरणपोषणका लागि लडाकुको परिचयपत्र सहितको विवरण मागिएको हो ।' त्यस्तै आजैको बैठकले प्रति दश ग्राम सुन आयातमा ४ सय ७० रुपैयाँ भन्सार महसुल निर्धारण गरेको छ । यसअघि १ सय ३० रुपैयाँ प्रति दश ग्राम सुन आयातको भन्सार लाग्दै आएको थियो । अब भन्सार वृद्धिसंगै सुनको थप मूल्यवृद्धि हुनेछ । नेपालको मौद्रिक क्रियाकलापमा नकारात्मक प्रभाव पारेकाले भन्सार महसुल वद्धि गरिएको सूचना तथा संचरमन्त्री शंकर पोखरेलले बताए । नेपालबाट भारततर्फको सुनको तस्करीका कारण भारतको बराबर बनाउन भन्सार वृद्धि गरिएको हो ।

राजनीति - थप सामग्री