प्रहरीमाथि भारतीय डाँकाले गोली चलाए

मोरङ, २ चैत (दैनिकी)

विराटनगर उपमहानगरपालिका-२० स्थित नेपाल-भारत सीमावर्ती गाउँ उत्तर दरैया वस्तीमा गएराति गस्तीका प्रहरीमाथि सशस्त्र डाँका समूहले गोली प्रहार गर्दा दोहोरो फायरिङ भएको छ । इलाका प्रहरी कार्यालय, रानीबाट पैदल गस्तीमा गएको प्रहरीमाथि एक्कासि डकैती गर्न नेपाल प्रवेश गरेका भारतीय डाँकाको समूहले विराटनगर-२० उत्तर दरैया वस्तीमा प्रहरीमाथि फायरिङ गरेपछि दोहोरो फायरिङ भएको हो ।डाँकाहरूले आफ्नो बाटो अवरोध भएको पाएपछि प्रहरीमाथि फायरिङ गरेको र जवाफमा प्रहरीले पनि चार राउन्ड फायर गरेको इलाका प्रहरी कार्यालय, रानीले जनाएको ।
करिब आधा घन्टासम्म डाँका र प्रहरीबीच दोहोरो फायरिङ भएको र त्यसमा प्रहरीतर्फकसैलाई केही नभएको जनाइएको छ । प्रहरीले फायरिङ गर्न थालेपछि डाँका समूह भारततर्फ भागेको थिए । सो क्षेत्रमा भारतीय डाँकाहरूले पटकपटक लुटपाट गर्ने गरेकाले प्रहरीले उक्त क्षेत्रमा गस्ती परिचालन गर्दैर् आएको थियो घटनास्थल सशस्त्र प्रहरी जिल्ला सीमा सुरक्षा कार्यालय र क्षेत्रीय प्रहरी कार्यालयबाट आधा किलोमिटरको दूरीमा रहेको छ ।

समाज - थप सामग्री