बङ्गलादेश–भारत सिमानामा १८ घाइते

ढाका, २ चैत(दैनिकी)

सङ्कटग्रस्त भारत–बङ्गलादेश सीमामा दुई मुलुकका सैनिकहरुबीच दुई घण्टासम्म गोली हानाहान भै कम्तीमा १८ गाउँलेहरु घाएते ढाकास्थित एक सुरक्षा अधिकारीले सोमबार बताए। आइतबार भारतीय आदिवासी जनता माछा मार्न बङ्गलादेशको जल क्षेत्रभित्र पसेपछि यस्तो मूठभेड भएको प्रमुख स्थानीय सीमा रक्षक कर्णेल जहिरुल अलामले बताए। बङ्गलादेशी गाउँलेहरुले भारतीयहरुलाई माछा मार्न रोक्न प्रयाश गरिरहेका थिए। तत्क्षण भारतीय सीमा सुरक्षा फौजबाट गोली वर्षाइएपछि हाम्रा सीमा रक्षकहरुले जवाफी फायर गरे– अलामले भने।
घाइते १८ बङ्गलादेशीलाई उपचारार्थ अस्पताल भर्ना गरिएको छ। नयाँ दिल्लीले यो घटनाको पुष्टि गर्न सकेन। दुवै मुलुकका सीमा रक्षकहरु चार हजार किलोमिटर लामो सीमा क्षेत्रमा बारम्बार भिडन्तमा उत्रने गरिआएका छन्। भिडन्त धेरै जसो भारतीय पक्षबाट तारबार लगाइएको ठाउँहरुमा हुने गर्दछ।एएफपी

विदेश - थप सामग्री