रगत सरकारी कार्यालयहरूमा छ्यापिने

बैंकक, ४ चैत (दैनिकी)

थाइल्याण्डमा पूर्व प्रधानमन्त्री थाक्सिन सिनावात्रा समर्थक प्रर्दशनकारीहरूले आ­-आफ्ना शरीरबाट निकालेको रगतलाई सरकारी कार्यालयहरूमा छ्यापेर ताजा निर्वाचनका लागि दवाव दिने भएका छन् । सयौं रातो पोशाक लगाएका प्रर्दशनकारीहरू रगत निकाल्नको लागि नर्सको प्रतिक्षामा लाम लागेर खडा भएका छन् । त्यसरी निकालेको रगत दश लाख क्यूविक सेन्टिमिटर अर्थात् एक हजार हल्का पेयका शीशीहरू बराबर हुने बताइएको छ ।
उक्त रगत सरकारी भवनहरूमा मङ्गलबार साँझमा छ्यापिने बताइएको छ । करिब एक लाख प्रर्दशनकारीहरूले थाई राजधानीका सडकहरू ओर्लेर संसदलाई विघटन गरी मध्यावधि निर्वाचन घोषणा गराउन प्रधानमन्त्री अभिजित विज्जाजिभालाई दवाव दिएका थिए । तर प्रधानमन्त्री अभिजितले उक्त दवावलाई अस्वीकार गरेपछि प्रर्दशनकारीहरूले यो नयाँ उपाय निकालेका हुन् ।एपी

विदेश - थप सामग्री