मध्य अमेरिकामा आँधीबेहरीबाट ९९ को मृत्यु

ग्वाटेमाला सिटी, १७ जेठ (दैनिकी)

मुसलधारे वर्षा सहितको ठूलो सामुन्द्रिक आँधीबेहरी र बाढीमा परी मध्य अमेरिकामा ९९ जनाको मृत्युभएको छ। ग्वालेमालामा मात्र कम्तिमा ८२ जनाको ज्यान गएको कुरा त्यहाँका राष्ट्रपति अल्भारो कोलोमले बताउनुभएको छ। ग्वाटेमालामा 'अगाथा' नामक सामुन्द्रिक आँधीबेहरी, चक्रवातले रातभरि उपद्रो मच्चाइ मुलुकको उत्तरी ग्रामीण इलाकामा ठाउँठाउँमा पहिरो गएको र थुप्रै भौतिक सम्पत्ति विनाश पारेको छ।
उक्त आँधी केहीबेरसम्म ६५ किलोमिटर प्रतिघण्टाको दरले अगाडि बढेको र पछि बेग कम भएता पनि रातभरी नै आइरहेको थियो। त्यसैगरी छिमेकी राष्ट्र एल –साल्भाडोरमा पनि आँधीबेहरीजन्य दैवी प्रकोपबाट नौ जनाको मृत्युभएको छ।
एल – साम्भाडोरका राष्ट्रपति मौरिसियो फुनेसले राष्ट्रमा संकटकाल घोषणा गर्नुभएको कुरा पनि समाचारमा बताइएको छ। त्यस्तै हन्डुरसमा पनि आँधीबेहरीजन्य दैवी प्रकोपका कारण आठ जनाको मृत्युभएको छ।
मध्यअमेरिकाको चारवटा मुलुकहरु ग्वाटेमाला, एल –साल्भाडोर हन्डुरस र मेक्सिको उक्त सामुन्द्रिक आँधीबेहरीको चपेटमा परेको र मेक्सिको बाहेक तीनै मुलुकमा संकटकाल घोषणा गरिएको छ। ग्वालेमालामा उक्त संकटबाट एक लाख १२ हजार व्यक्ति उम्केर सुरक्षित स्थान तर्फ लागेको पनि राष्ट्रपकिो कोलोमले बताउनुभएको छ।रासस/एएफपी

विदेश - थप सामग्री