नेपाली उत्पादनलाई बढावा दिनुपर्छ: प्रधानमन्त्री

राजनैतिक संक्रमणका कारण बस्तु निर्यातको प्रशस्त सम्भावना हुँदाहुँदै पनि आन्तरिक कलहका कारण नेपालीहरु पछि परेको

काठमाडौं,१० असार (दैनिकी)

प्रधानमन्त्री माधव कुमार नेपालले बर्तमान सरकारको प्राथमिक एजेण्डा नेपाली उत्पादनलाई बढावा दिएर आर्थिक बृद्धि गर्नु पर्ने बताउनुभएको छ । त्यसको लागि परिवर्तनलाई संस्थागत गर्न र जनताको जीवनस्तर उकास्न आर्थिक बृद्धि र व्यापार प्रवर्द्धनमा ध्यान दिनुपर्ने बताउनुभयो । राजधानीमा आयोजित ‘नेपाल व्यापार एकीकरण रणनीति २०१०’ अभियानको आज उदघाटन कार्यक्रममा उक्त कुरा बताउनुभएको हो । उक्त कार्यक्रममा प्रधानमन्त्री नेपालले आर्थिक सुधार तथा उदारीकरणमा आफूहरु प्रतिवद्ध भएको प्रष्ट पार्नुभयो । नेपालले वाणिज्य मन्त्रालयको संगठित प्रयासले दीगो विकास र नयाँ नेपालको निर्माणको अभियानमा सहयोग गर्ने दावी गर्नुभयो । उहाँले देशभित्रको राजनैतिक संक्रमणका कारण बस्तु निर्यातको प्रशस्त सम्भावना हुँदाहुँदै पनि आन्तरिक कलहका कारण नेपालीहरु पछि परेको उल्लेख गर्नुभयो ।

अर्थ - थप सामग्री