सहमतिको सरकारको लागि थप पाँच दिन माग

मुख्य तीन दलबीच सहमति जुट्न नसकेपछि राष्ट्रपतिलाई थप समय उपलब्ध गराउन आग्रह गर्ने निर्णय

काठमाडौं,२३ असार (दैनिकी)

राष्ट्रिय सहमतिको सरकार गठन गर्न २५ दलले राष्ट्रपति डा. रामवरण यादवसमक्ष थप पाँच दिनको समय माग गरेका छन् । संविधानसभामा प्रतिनिधित्व गर्ने २५ दलले राष्ट्रिय सहमतिको सरकार गठन गर्न राष्ट्रपतिसँग थप पाँच दिनको समय माग गरेका हुन । नयाँ बानेश्वरस्थित संविधानसभाको भवनमा बुधबार अपरान्ह बसेको २५ दलको बैठकले राष्ट्रिय सहमतिको सरकार गठनका लागि आगामी २८ गतेसम्मको समय माग गर्ने निर्णय गरेको हो । सिंहदरबारमा बुधबार विहान बसेको मुख्य तीन दलको बैठकले पाँच दिनको समय माग निर्णय गरेको थियो । बैठक सिंहदरबारस्थित संसद सचिबालयको कार्यालयमा बसेको थियो । बैठकमा एकीकृत नेकपा माओवादी, नेपाली काङ्ग्रेस र नेकपा एमालेका शीर्ष नेताहरु सहभागी थिए । नयाँ सरकारको नेतृत्वमा आ-आफ्नो दलको दावी गर्दै आएका मुख्य तीन दलबीच सहमति जुट्न नसकेपछि राष्ट्रपतिलाई थप समय उपलब्ध गराउन आग्रह गर्ने निर्णय गरिएको हो । थप गरिएको समयसीमा भित्र पनि सहमति नभए अन्तरिम संविधानको धारा ३८ ९२० अनुसार संसदबाट बहुमतको आधारमा नयाँ सरकार गठन गर्ने संवैधानिक व्यवस्था छ । डा.रामबरण यादवले अन्तरिम संविधानको धारा ३८ ९१० अनुसार सहमतिको आधारमा नयाँ सरकार गठन गर्न आजसम्मको समय दिनु भएको थियो ।

राजनीति - थप सामग्री