अछाममा एडिएसल सेवा शुरु

शिबराज ढुङ्गाना अछाम, १३ श्रावण

अछामको सदरमुकाम मंगलसैनमा एडिएसएल सेवा विस्तार गरिएको छ । नेपाल टेलीकम दूरसञ्चार कार्यालय अछामले मंगलसैनमा २३ लाइन एडिएसल सेवा उपलब्ध गराएको हो । सो कार्यालयले यसै साता देखी सो सुविधा उपलब्ध गराउन थालेको हो ।
सो सेवा सदरमुकाम मंगलसैन स्थित सरकारी, गैरसरकारी कार्यालय सञ्चार माध्याम र निजी क्षेत्रलाई सो सेवा वितरण गरेको हो । वितरण गरिएका उक्त सेवा जिल्ला प्रशासन कार्यालय, महिला विकास कार्यालय, नेपाली सेनाको रणशेर गण, पशु सेवा कार्यालय, कृषि विकास कार्यालय रहेका छन् ।
जिल्ला स्थित रामारोशन दैनिक लगाएत ३ वटा दैनिक पत्रिका र एक सामुदायिक रेडियोले सो सुविधा पाएको छ । यस्तै नेपाल पत्रकार महासंघ अछाम शाखा, गैरसरकारी संस्थाहरुमा र्‍याप, भिडेक वाड्स नेपाल, लिङ्क हेल्भेटास रहेका छन् । सो एडिएसएल सेवा सुरु भएपछि जिल्लाको सदरमुकाम मंगलसैनमा साइबरको पनि सुविधा हुने भएको छ ।
अछाम जिल्लामा एडिएसएल सेवा विस्तार भएपछि छिटो गतिमार् इन्टरनेट चल्ने भएकोले सबै यसका प्रयोगकर्तालाई निकै नै ठुलो फाइदा हुने भएको छ । उता सिडिएमए प्रविधिबाट जिल्लाका समाचार केन्द्रिय सञ्चार माध्याममा पठाउन र अन्य केन्द्रका समाचार जिल्लाका सञ्चार माध्यामका लागि संकलन गर्न पनि सजिलो भएको रामारोशन दैनिकका सह-सम्पादक नरेश शाहीले बताउनु भयो ।
एडिएसएल सेवा लिनको लागि मंगलसैन क्षेत्रका सरकारी तथा गैर सरकारी क्षेत्रका कार्यालय, संघ संस्था र व्यापारीहरु आँतुर भएपनि सो कार्यालयले हालसम्म यस सेवालाई थप्न भने सकेको छैन । चाँडै नै २५ लाइन भन्दा बढीमा दिने गरि एडिएसएल सेवा थप्न पहल भएको र दूर सञ्चार अछामका कार्यालय प्रमुख क्षेत्रीय कार्यालयमा गईसकेको सो कार्यालयले जनाएको छ ।
केही दिन अघि नेपाल पत्रकार महासंघ अछामको नेतृत्वमा अछामका सञ्चारमाध्यामलाई एडिएसल नछुट्याएको भन्दै पत्रकारहरु उक्त कार्यालयमा धर्ना समेत बसेका थिए । पछि प्रमुख जिल्ला अधिकारी हरि प्रसाद भण्डारीको पहलमा अछामका सञ्चार माध्यामलाई ५ लाइन एडिएसएल सेवा दिईएको थियो ।

अर्थ - थप सामग्री