अर्थले बजेट नदिदा टुंगो लागेन श्रम सहचरी

´अहिलेसम्म अर्थले बजेट स्विकृत गरेको छैन रकम आउने वित्तिकै श्रम सहचरी नियुक्ति गरेर पठाउछौं´- श्रम तथा यातायात व्यबस्था मन्त्रालयका प्रवक्ता हरिदत्त पाण्डेले भने। दुई महिनाअघि मन्त्रिपरिषलदले चार मुलुकमा श्रम सहचरी राख्ने निर्णय गरेको थियो।सरकारले मलेसिया, युनाइटेड अरब इमिरेट्स, कतार र साउदी अरबमा श्रम सहचरी राख्ने निर्णय गरेको थियो। चारमध्ये एकजना महिला श्रम सहचरी राख्ने निर्णय गरेकोमा अहिलेसम्म नियुक्ति हुनसकेको छैन।श्रम सहचरी नहुँदा बैदेशिक रोजगारीमा गएकाहरुले भोग्नुपर्ने समस्या बढ्दै गएको छ। साञ्चार मन्त्रालयमा सोमबार आयोजित नियमित ´मीट दि प्रेस´ कार्यक्रममा पाण्डेले १४ अञ्चलमा एकएक रोजगार सूचना केन्द्रहरु स्थापना हुन लागेकोमा उदयपुर र जुम्लामा भने कर्मचारी नभएकाले सामान्य प्रशासन मन्त्रालयसँग मागिएको जानकारी दिए।

अर्थ - थप सामग्री