तिमी विना

काठमाडौं, २ जेठ (दैनिकी)

प्राकृतिक सुन्दरताले परिपूर्ण भएर के गर्ने
तिमी विना उराठलाग्दो छ यो ठाउँ
सम्झन्छु म धेरै तिम्रो साथको यो ठाउँ
भान हुन्छ तिमी सँगैछु म अहिले पनि
तर विरानो दृष्यहरु आँखा सामु हुदाँ
तिमी सँग विताएका क्षणहरु कल्पना मै सिमित हुन्छ
अनि तुलना गर्छु यी प्राकृतिक सौन्दर्यलाई तिमीसँग
पहिले यो बगान वास्नाले भरिपूर्ण थियो
अहिले यो बगानमा वास्नाको अस्तित्व नै छैन जस्तो लाग्छ
ती पाखा र पहराहरु कति सुन्दर थिए
यी भीरहरु कति डरलाग्दा अनि कति उजाड
त्यो सेतो वादलले भरिपूर्ण निलो आकाश
यो कहालाग्दो कालो बादलले छोपिएको जुन
कति अन्तर छ पहिले र अहिलेमा
पहिलेको तिम्रो न्यानो साथले चिसो हटाइदिन्थ्यो
अहिले तिम्रा विछोडले मुटु कटकटाईरहेछ
अनि लाग्छ
यो प्राकृतिक सुन्दरताले भरिपूर्ण नेपाल
तिमी विना कति उराठलाग्दो रहेछ

रेमिन

साहित्य - थप सामग्री