कृषि विकास बैंङ्कमा ६४ कर्मचारीको आवश्यकता

काठमाडौं, २४ असार(दैनिकी)

नेपाल बैंक लिमिटेडले विभिन्न पदमा ६४ जना कर्मचारीको आवश्यकताका लागि विज्ञापन गरेको छ । माग भएका कर्मचारीमा वरिष्ठ प्रबन्धक देखि सहायक प्रबन्धक सम्म छन् ।
बरिष्ठ प्रबन्धक साधारण र बरिष्ठ प्रबन्धक प्राविधिक एक-एक, उप प्रबन्धक ७ र सहायक प्रबन्धक ५५ गरी कुल छैटौं देखि नवौं तह सम्मका कर्मचारीको आवश्यकताको विज्ञापन गरेको हो ।
बरिष्ठ प्रबन्धक साधारणका लागि स्नातक र सीए उत्तीर्ण वा अर्थशास्त्रमा / ब्यवस्थापनमा स्नातकोत्तर तह उत्तीर्ण्ा हुनुपर्ने र वाणिज्य बैङ्कको अधिकृत तहमा कम्तीमा ३ वर्षको कार्यअनुभव हुनपर्ने उल्लेख छ ।
त्यस्तै, बरिष्ठ प्रबन्धक प्राविधिकका लागि सूचना प्रविधिमा विषयहरुमा स्नातकोत्तर तह उत्तीर्ण गरेको र कुनै बैङ्ग वा वित्तिय संस्थामा कम्तीमा ३ वर्षको कार्यअनुभव भएको हुनुपर्ने उल्लेख छ ।
उपप्रबन्धक पदका लागि स्नातकपश्चात सीए वा ब्यवस्थापन अथवा अर्थशास्त्रमा स्नातकोत्तरमा प्रथम श्रेणी हासिल गरेको हुनुपर्नेछ । त्यस्तै, सहायक प्रबन्धकका लागि ब्यवस्थापन वा अर्थशास्त्रमा न्यूनतम स्नातकोत्तर तह द्धितीय श्रेणीमा उत्तीर्ण्ा भएको हुनुपर्ने विज्ञापनमा उल्लेख छ ।
२१ व्ार्ष पूरा गरी ३५ वर्ष ननाघेकाले आवेदन दिनसक्ने विज्ञापन जनाईएको छ । लिखित र मौखिक परीक्षा पछि आवेदकलाई छनौट गरिने विज्ञापनमा उल्लेख छ । सूचना प्रकाशित भएको मिति आजको एक महिना भित्र मानव श्रोत विभाग कृषि विकास बैङ्कमा आवेदन दिनसक्ने पनि विज्ञापनमा जनाईएको छ । विस्तृत विवरण www.nepalbank.com.np मा हेर्न सकिनेछ ।

रोजगारी - थप सामग्री